【有片】【開槍論續集】陳百祥稱是鼓勵和安慰:警察應用升級嘅暴力制止混亂

91

陳百祥(阿叻)今晚到電視城出席慈善節目的記者會,提到他日前探訪警局,曾發表「如果我是警務處處長早就開槍」言論,他直認當時是在鼓勵警察的時候說的,他覺得那是一個用作安慰的用字,更明言:「因為如果你用唔同嘅暴力對付警察,警察都應該用升級嘅暴力求制止混亂。」他還說:「呢個世界一向有唔同意見同有獨立思維,我唔講人哋,我唔係教人點樣做,亦唔使人教我點樣做,呢啲就係民主自由。」再問馬蹄露拍攝示威者時遇襲,他說:「何人受襲都無辜,唔止佢,你可以用行政手段、選票去令政府人士同議員落台,唔一定要用暴力,而且用暴力係爭取唔到。」

對於華星冰室最近因為譚詠麟撐警言論已與對方割席,阿叻指對方是被恐嚇:「因為佢哋驚,割唔割席我唔知道,嗰啲係佢哋嘅私人事,但係當你被恐嚇,見到嗰啲中資店舖被打爛,咁他們可以點算呢?先唔好講割唔割席,阿倫都唔需要嗰張席。」問到阿叻本身又有否股份?他說:「我冇,費事影響人,我膽生毛,冇嘢驚!我上冇高堂下冇子女,總之做正當嘅事。」他更表示阿倫甚少講政治,只係講足球技術和餐廳。

另外,周柏豪今晚亦有現身,為即將播映的新劇《多功能老婆》宣傳及唱新歌,不過,早前他呼籲人登記做選民而被指港獨後,一直封嘴,今晚也沒有接受傳媒訪問,繼續避談。

(資料來源:網上截圖/連結)