警方凌晨時分在將軍澳區清場，其間多次進出富康花園，並截查多名街坊，對居民造成極大滋擾。有居民在單位內用手機拍攝，竟然遭警員粗暴喝止，並先後向單位發射4次胡椒球彈阻嚇。
蘇先生住在富康花園一個低層單位，他憶述事件經過稱，凌晨3時，樓下傳來嘈吵聲，由房間的窗戶望下，見到多名防暴警正截查3名年青人。
蘇父連忙拿出手機拍攝，鏡頭所見，警員喝令該3名年青人將雙手放在頭上、蹲下受查。牆角同時傳來一把女子聲音，與警員對罵。警員向她咆哮：「你同我講你有BB嘛，如果返到去唔係嘅，就係誤導警務人員。」
此時，警員發現蘇父正拍攝，隨即喝止：「即刻入返屋，照咩呀你喺度？警告你，唔入返去，用胡椒槍對你。」不足一秒即向蘇宅發射兩次胡椒球彈。
今早傳媒到蘇宅了解，蘇先生仍然氣憤難平，「射咗兩槍胡椒球彈，兩三秒後再射兩個。好彩窗無爆，但係啲煙吹入嚟，我老竇成面都係，成間屋都有，好刺鼻。」現時床上仍遺有胡椒球彈的碎片。
蘇先生直斥警方「離譜」，他指父親拍攝並沒有犯法或做錯任何事，「影乜都冇問題㗎」，屋企除父母外，還有外婆，擔心胡椒彈對長者身體不好。
此外，對於科大生周梓樂的離世，蘇先生亦有感而發。「好可惜，一個22歲後生仔，咩原因而走咗唔知，但我覺得同警察脫唔到關係，警察一定有責任。喺佢哋執法嘅時間下，令到一個年青人走咗，係相當有責任。」
「（警察）又講大話，又話冇入停車場，有CCTV影到又話有入。呢個被揭發啫，唔知有幾多冇揭發，收收埋埋，真係唔知。」
蘇說想追究警方胡亂發射胡椒球彈，可是「咁多嘢要追究，點排到我吖！」非常無奈。
(資料來源：網上截圖/連結)
