【留不住人】陳智燊夫婦離巢TVB不愁出路 轉做YouTuber月賺20萬

TVB真是今時不同往日，以前藝人明知待遇微薄，但為了吸人氣，還是願意效力，不過這幾年大陸市場越來越多發展生機，又加上多媒體在香港發展迅速，TVB霸權地位已被動搖，該台的小生、花旦相繼約滿離開，已證明離開也不愁沒出路。繼去年陳智燊（Jason）離巢後，「夫唱婦隨」今年7月宋熙年（Sarah）約滿亦走人，轉做YouTuber及司儀，據悉他倆夫妻平均每月各自可賺15至20萬，收入絕對比以前在電視台高。

他們共同辦的Youtuber頻道節目《Sarah & Jason》經常拍攝夫妻間生活樂趣，有時他倆試過好的產品、食品或旅遊資訊會介紹給網民，他們的節目搞得有聲有色，現已超過11萬名訂戶。由於他們說得一口流利英語，有不少外資公司在港的私人宴會又喜歡請他們做司儀，對他們來說也是一個可觀收入。

傳媒搵過Jason，問他離開TVB後，做YouTuber是否每月賺15至20萬？他笑說：「冇咁誇張，收入同以前差唔多啦！其實初時離開TVB係有啲擔心前路，因為有啲監製好意提醒我哋，話出面風大雨大，叫我哋諗清楚，我承認留低工作可能穩定啲，但自由更重要，冇諗過同老婆喺網上做節目有咁好反應，再做下司儀，做下舞台劇，工作量都唔錯，而且最緊要係依家做嘢比較自由，可以做自己鍾意嘅嘢，我哋係做得開心嘅。」Jason又指太太近期為開電視做節目主持，自己做完舞台劇後，與Viu電視台正洽談合作，其實我同太太都希望將來可以有更多演戲機會。