梁嘉銘（Ming仔）是香港第一代YouTuber，擁大量followers，今年6月亦有在反送中示威中上街表達意見，不過日前Ming仔被指與網民抵制的無綫合作，被網民狂鬧。Ming仔隨即出post解釋：「關於單job，其實反修例風波前已在進行中，接住社會發生咁多不公嘅事，都好掙扎，思前想後，我選擇咗尊重專業精神，完成埋工作再算。今次應該係我handle得最差嘅一次（包括呢個post），唯有老實認錯，同各位真心說聲抱歉。但呢次恐怕避免不到令大家失望了。無論各位接受與否，我都會吸取今次教訓。」
今日Ming仔開live再次講到事件，他宣佈不會捐助星火，因捐助星火會等同支持勇武派，並認為「犯法就要拉」、「兩邊武力開始對等」，又要求不同意他的人unsubscribe。有人嘲諷Ming仔可以與同樣沉默的林慧韡（達哥）組成達ming一派。阮民安（Tommy）亦有在FB開post鬧：「如果可以和平解决，6月200萬人上街嗰陣就和平解决咗啦！！！真係幫得TVB打工嗰啲都係onXX㗎喎！」
直播過後，被網民鬧爆的Ming仔作出澄清表示：「直播嘅原意是要清楚交代我嘅睇法，偏偏講到一嚿嚿。更正番：1.了解過『星火』的背景，我表示支持並將決定捐俾呢個基金。2.『警察份職業本身無問題，但佢哋做多咗。』呢句被部份人曲解左。我話『做多咗』嘅意思，係指佢哋做多咗好多唔應該做嘅事：包括濫捕、實彈、電單車撞人、制服後暴打、Yellow object等等，並唔係講緊開OT。我係有責任講得清楚啲嘅，多謝網民提醒。」可惜網民拒絕收貨。
(資料來源：網上截圖/連結)
