昨夜戰火連連的理工大學，今天仍有不少學生、抗爭者、急救員、記者等人留守。然而，整所大學已被重重包圍，離開的人若未能出示記者證或有關證件，有機會被捕。
曾於理工大學為二、三千人預備食物的C先生，有雙重角色，現場平靜時就為在場人士預備食物，發生衝突時則在外圍為傷者進行急救。於飯堂內「見咩煮咩」的他表示預備食物對他而言毫無難度，但飯堂內的煤氣爐昨天突然被斷電，他立即向電爐埋手，幸而還能使用，繼續預備食物予抗爭者。
他自六月開始參與抗爭運動，擔當不同角色的他欲於運動上的不同層面發揮自己的作用。他早已有被捕的心理準備，「我睇得好化」，而他亦表示家人支持自己理念，是讓他堅持下去，並留守到最後的動力。
除了C先生外，王先生和Kelvin亦是留守於理大的急救員。王先生表示，昨天收到消息指理工大學的聚集定性為一場暴動後，便有離開的念頭，但完全找不到安全出口。王先生有一同為急救員的同伴昨天舉手投降，欲離開理工大學，最後卻失去聯絡一整晚。「除咗無奈之外，我真係唔知可以講啲乜嘢，我依家係無辜咁樣滯留咗喺理工大學，但係一出去我就會畀人拉。」二人離開無門，雖已作好被捕的心理準備，但心裏仍感害怕，「我依家真係好驚我會畀人告暴動，我仲有好緊要嘅人要見，我女朋友、我爸爸媽媽」。
「作為一個護士，我救急扶危，我有錯咩？」他認為走進大學救人是自己的天職，「我父母同我講，佢哋會支持我，因為我做緊一啲正確嘅事。」防暴警今晨曾攻入理工大學正門，二人均表示從未感後悔，「喺呢班抗爭者嘅眼中，我已經30歲了，我係一個大人，大人唔係應該保護小朋友嘅咩？」
眼見一班抗爭者的無畏精神，「雖然佢哋都係會驚，但係都有心理準備會有呢啲後果 」，二人既感嘆亦感動。「一句多謝、辛苦晒、加油，作為first aider，無論係咪佢哋（警察）所講嘅暴徒，定係我見到嘅學生，我都已經覺得值得。」二人作為抗爭運動的急救員，為的不是任何報答或報酬，而是履行自己的天職而已。
(資料來源：網上截圖/連結)
