警員晚上在理大外圍開咪，向留守校園的人說：「我真係覺得你哋好垃圾，做又做唔掂、做又做唔好。我睇你哋唔起呀，唔係因為我同你政見、立場唔同，係因為你哋做人冇原則、冇底線、冇承擔、冇責任感，同埋冇腦啊。」
該警員稱，這幾個月發現香港受過多年免費教育的人，智商、分析、邏輯能力比沒受過教育的人更低，指董先生已承認教育政策失敗，教咗一班咁嘅人出嚟，「自己懾高枕頭再諗一諗啦」。警員又叫留守者，接觸多些外邊人的想法、擴闊自己眼光、睇他人文章，「你會發現，原來你係錯得好緊要」。「你哋真係喺度發緊夢架，我話你聽，呢個夢好快醒，你哋全部要承擔之前錯誤所帶來嘅惡果」。
警員又提及留守者要食「冰冰冷冷的生命麵包」，但警察收工後可以到深圳食海底撈、可以飲冰凍啤酒，「而你哋就繼續喺度食生命麵包……通常基層拾荒者老人家食，我覺得好可憐。」
(資料來源：網上截圖/連結)
