淡出幕前8年、盛傳患腦癌與抑鬱症的港姐李珊珊，今年2月公開現身東華慈善活動，她在台上分享過去兩年對抗病魔的經歷，但一直未有說明患上甚麼重病。
最近珊珊為精神健康基金會拍攝了一條宣傳短片，首次承認自己兩年前患上驚恐症。片段約3分鐘，珊珊全程不發一言，坐在椅子上以揭卡紙形式說出自己由發病，到找出病因及康復過程，藉此鼓勵同路人要勇敢面對。全文如下：
「我係李珊珊，I have a story to tell… 2017年，我身處醫院，當時因為種種原因，第一次出現非常激烈嘅病徵，發熱、標冷汗、全身冇力、呼吸困難、不停地掙扎、直至眼前一黑。嗰種令人窒息嘅感覺，我直頭覺得係瀕死邊緣。經過唔同嘅檢測，專科醫生都搵唔到病因，病徵持續出現，每日都徘徊地獄又折返人間，兜過唔少冤枉路路，做過唔少測試，都係搵唔到病因。直至有一日….經轉介去劉英傑醫生，我先知道個病係叫驚恐症，幸好劉醫生教曉咗我，情緒病其實同傷風感冒一樣，有得醫，我開始向信得過嘅朋友分享，輕描淡寫地透露我嘅狀況，就好似患咗傷風感冒一樣，No big deal。
然後，我就只係做兩件事，準時覆診，準時食藥，加上好友們嘅關心同不離不棄，病情慢慢好轉，驚恐症嘅症狀無再發生，瀕死邊緣嘅感覺無再出現，我就知道，我嘅情況受到控制，而家睇返轉頭，慶幸當初堅持搵病嘅根源，知道問題根源先可以搵啱解決方法。情緒病其實同普通病無分別，搵啱醫生食啱藥，病就自然會好，我選擇行出嚟同大家講我嘅故事，係希望有相同遭遇嘅朋友，又或者你身邊有相同遭遇嘅朋友，都可以分享佢哋嘅故事。」
曾與珊珊合作拍《烈火雄心》的古天樂亦有拍片，與鄭秀文、陳凱韻(甘比)、林保怡、何超蓮及崔加寶一齊向珊珊及病患者說聲：「加油！」曾患抑鬱症的Sammi亦以過來人身份希望大家：「對情緒病零歧視零標籤。」
李珊珊今日接受訪問時說：「希望人人都有勇氣去處理呢個病，我亦都好有勇氣咁豁出去。聽日會有個人facebook live，到時會解答大家多啲問題。」
(資料來源：網上截圖/連結)
