葉德嫻（Deanie） 日前接受商台《1圈圈 星光背後》主持人梁泰來訪問，將近72歲的Deanie姐大方直認是銀髮族，雖然出生於一個封建家庭，但自小思想開明喜歡每事問。今年六月反送中運動開始，香港社會經歷一場巨變，她多次走上街頭站在年青示威者一方，即使示威者有暴力，她也重申不會跟年青人割席。
Deanie姐說：「因為我見到事件起因係咩，呢一代年青人好有前瞻性，比起14年更進化。請唔好屈示威者暴力，金鐘中信大廈嗰次我在場，係邊個先暴力？最初只係有遮、水，防暴警係full gear，點解要屈學生？唔好睇小今日嘅年青人，佢哋喺稅務大樓做錯事會道歉，我哋銀髮族遊行，會有人逐一鞠躬感謝我哋，係幾生修到嘅父母，先有咁樣嘅乖仔，佢哋好難得。」
自從14年參與雨傘運動後，葉德嫻被指早已列入內地封殺名單，所以《桃姐》之後，6年來就只參演了許鞍華的《明月幾時有》，而所唱的歌曲，今年更被內地串流平台全數下架，Deanie姐毫不在乎說：「做正事，先係最重要。」她自言生活簡樸，奢華的生活從來不是她所渴求：「我窮開，生活好簡單，食個包就一餐，行路返屋企又得。」。
此外，她又談到首度演出舞台劇《親親麗南》，Deanie姐表示最大的壓力是怕自己生病影響人：「我鍾意冬天着少啲衫感受凍嘅感覺，所以年年冬天都會病幾次，今次唔想連累人，所以迫自己着多啲衫，唔好再做『脫衣舞女』。」
(資料來源：網上截圖/連結)
