前香港女子網球代表隊成員、現年33歲的李思雅（Cindy），在05年選港姐入行，11年被爆與年長23歲的林韋辰發展「父女戀」，二人17年分手收後，Cindy一直未有新戀情傳出，不過，傳媒近日接獲讀者陳小姐爆料，指控被Cindy硬搶未婚夫，甚至大爆Cindy扮自己朋友，經常找她未婚夫「開波」打網球。
回復單身的Cindy未有新戀情傳出，不過傳媒近日接獲讀者陳小姐爆料，聲稱被Cindy介入而令她與未婚夫分手。陳小姐說：「我哋本身係朋友，佢成日搵我打麻雀，又搵我未婚夫打網球，點知我發現佢趁我唔喺香港，借啲意成日搵我未婚夫，又做埋好多小動作。我最初都唔係好理，諗住儲埋啲證據，點知佢仲將同我未婚夫影嘅合照擺上啲朋友圈，又send啲相畀我睇，我之後都有打電話鬧佢，最後佢仲block咗我！」陳小姐還説：「本來我同未婚夫係一齊住，發生咗呢件事之後，我暫時搬開。我都好傷心，佢（未婚夫）媽咪都有打電話畀我，叫我返番去，以我所知佢哋應該一齊咗大半年。」
陳小姐又表示未婚夫姓黃，本身是IT公司老闆，家住西貢，傳媒連日來在陳小姐提供地址等候，果然兩度見黃先生與被指是第三者的Cindy約會，二人還當街拖手行街。
第一次是9月中，記者發現黃先生與媽媽吃午飯後，即揸車入元朗會合Cindy，當時兩人帶着兩隻愛犬在商場shopping，黃先生似乎很有耐性，當Cindy血拼的時候，他在旁不時給意見，大約行了個多小時，兩人到平台的露天餐廳食tea，男方走去買飲品，Cindy與愛犬自拍兼打卡，直到晚上7時左右離開商場。雖然兩人行商場沒有避忌，但未見有太親暱的動作，直到兩人齊齊到停車場攞車的時候，Cindy終於蹺實男方的手，其後兩人再揸車去錦田吃晚飯。大約過了兩小時，黃先生揸車送Cindy位於上水香閨，才獨自回家。
到底是熱戀中的男女，即使Cindy最近趕劇，仍然要爭取時間見面。日前記者再發現二人約會，當日Cindy與新歡離開男方西貢寓所，兩人戴着同款的cap帽和黑超，一身運動look示人，而一對寶貝狗狗未有同行，反而多了一個男友人。他們一行三人揸車去了白沙灣碼頭，男友人將車泊在附近的露天公眾停車場，Cindy下車後，立即走去搭住男友膊頭而行，其間見到兩人不時密密傾，後來Cindy索性拖實男友，狀甚溫馨齊齊去餐廳。當他們到達餐廳後，發現地下露天的位置已經坐滿客人，未知他們是否熟客的關係，老闆很快便安排他們到天台的位置食飯。Cindy與男友本身喜愛做運動，當然不怕曬太陽，大家不時玩自拍，最後他們在陽光下嘆足兩小時，埋單齊齊走人！
(資料來源：網上截圖/連結)
