【與處長對話】400黑警舉行講座 原來警署安全最重要！

尋晚喺連登流出一份警隊嘅內部文件，疑似係上個月新一哥傻強為400個黑警舉行講座嘅內容。文件長達十幾頁，其中提及，會安排軍裝警於警署及警察宿舍等高姿態巡邏，並安排專車接送同事到港鐵站確保安全。有警員就問及可否取消喺街上恆常嘅巡邏，將現時警員「行咇制」改為「Standby-mode（待命）」，處方冇斷然拒絕，只係話會審視現行制度，令佢哋可以更安全、執行職務。

另外，由於有強大民意要求政府成立獨立調查委員會調查警暴，傻強亦有幫黑警「備課」，文件列明「沒有責任出席與維持治安無關及無理針對警方會議」。

係咪平時都匿埋蛇王，所以覺得唔巡邏都冇問題？警署就要高調巡邏，條街有賊打劫你就唔巡邏，即係你三萬個黑警出份糧，係負責保護返你哋自己，咁咪好着數？講到所有罪行都同你班黑警無關、冇責任、唔使理咁，想問仲要警隊嚟做乜？

(資料來源：網上截圖/連結)