37歲藝人林子善17年與拍拖6年的圈外女友Kary拉埋天窗，今年7月在社交網站貼出一張超聲波圖片，更留言宣佈做老竇：「期待小公主的來臨，你要乖乖身體健健康康，懷胎十月辛苦晒大寶貝。」
而於今日凌晨，子善的小公主終於出世同大家見面，子善即時拍下囡囡第一張相片再分享到社交網站，又大讚老婆犀利：「媽咪超級無敵勁…冇麻醉順產分娩。極速0至10度50分鐘小乖乖出世，由懷孕都出世成個過程歷歷在目，長大後可以唔錫爸爸但一定要錫媽咪 #母愛真偉大 #超乎常人。」
不少子善的圈中好友如陳敏之、姚子羚、陳山聰等都紛紛留言送上祝福。收到大家祝福的子善再次出post多謝朋友：「未能回覆各位，再次多謝咁多位嘅擔心，母女平安！超能老婆50分鐘內完成整個分娩過程，去到最後話唔用無痛分娩，當堂眼都凸埋出嚟，母親嘅偉大令到我變成豬頭，哭成涙人，多謝咁多位嘅集氣。」
(資料來源：網上截圖/連結)
