梁靖琪（Toby）今年6月與拍拖兩年圈外男友施雋賢（Jonathan）再婚，二人婚後兩個月即傳出Toby懷孕，但Toby一直未肯多講半句，直至9月才於Instagram宣佈有B，並不時在IG上載自己大肚相分享喜悅。
原來Toby上周五已順利誕下囝囝Roman，BB重8.6磅，母子平安。她老公Jonathan在社交網公佈喜訊，表示歡迎囝囝來到這個世界，又大讚老婆Toby是英雄，指Toby經歷了驚心動魄的16小時，最後他們選擇緊急剖腹生B。Jonathan又叫囝囝不要忘記媽咪偉大，着他要愛媽咪和尊重媽咪。最後，Jonathan更大讚Toby是家庭支柱，感謝老婆的勇氣和愛心。Jonathan更上載了一家三口照片，相中見B仔Roman長滿頭髮，眼仔碌碌又伸脷，十分可愛。
記者聯絡Toby，她表示正忙於餵奶：「我老公太開心post咗，本來諗住聽日先post。唔該晒呀，多謝晒你呀。」至於Toby好姊妹鍾麗淇就表示：「我有探過BB呀，不過最好都係等佢自己講啦。」
(資料來源：網上截圖/連結)
