WhatsApp彈出大陸睇樓團訊息，「肇慶公務員村2020年底落成，打造港式生活圈，作退休首選首選首選⋯⋯」這個所謂香港城，更得到警察隊員佐級（俗稱「散仔會」）協會主席林志偉熱切查詢，替同袍向發展商爭取優惠價格。看似潛力十足的發展區，記者實地直擊，再以潛在買家身份跟經紀睇樓，發現香港城只是爛地一塊，甚至附近農場連地都未收齊。不過經紀就教買家，先買附近的「處女盤」博升值，更可以「另類方法」向銀行造按揭。
早在去年5月特首林鄭月娥北上肇慶，事後出過一篇新聞稿提過當地會發展肇慶新區，位於高鐵肇慶東站附近，其中一部份為香港城，吸引港青創業，甚至帶同父母北上退休養老。不過你只要上百度地圖輸入「香港城」，就總有十個八個差不多的東西，甚麼「海口市香港城城」、「重慶市香港城」城」都有。
香港城在哪？
這一次得到林鄭及林志偉加持的香港城有何特別？記者收到其中一間地產代理訊息，聲稱肇慶公務員村，亦即香港城將於2020年底開賣，提供4,400個單位，容納10萬人；更有獨立醫院、超級band one學校等等的配套。
可惜無論Google或百度都找不到更多詳情，記者於是北上尋根究底，高鐵由西九龍出發到肇慶東的班次不多，只有下午或夜晚，車程1.5至2小時，來回票價約500元。
高鐵站落車後，以為在的士站會有人知香港城所在位置，但一眾的士司機七嘴八舌，「台灣城就有」，「係咪喺華僑城？」總之就無人知道或聽過香港城，結果記者就去到最近香港城所在位置的塘口村，一條只得農地漁塘的農村。
望向塘口村西面，所謂香港城的方向，甚至前後左右，只得農地及爛地，連工程都未見展開。路上遇到塘口村內一位伯伯，本想打聽香港城在哪，結果又是不知道。閒談間就聊到收地，村有800多人，舊時每人有2至3畝農地，但只獲賠得3萬人民幣。
伯伯訴說︰「反對都無用，去到省投訴又無門，上到肇慶市更加唔會聽你，嗰啲死人賬簿唔比你睇，一公開佢肯定死，你話慘唔慘啲村民」。伯伯慨嘆窮人作反都無力，鬥不過官員黨員，最後亦都賣出手上農地。再遇上另一位村民則獲10萬人民幣賠償，則符合廣東省國土資源廳訂的標準。
經紀：差佬買樓有補貼 每人40萬
記者搭半小時的士轉往市中心，路上見到不少興建中的樓盤，但就連一間士多或超級市場都沒有，更不用提醫院、學校。直到抵達鼎湖區中心位置，就開始有一些例如「品德雞」的食店。的士司機就直言：「買完等20年後咪可以退休住囉，而家邊個嚟買呀，如果冇補貼嘅話。」
到了相約時間，經紀見記者熱切追問香港城的詳情，便試探記者身份，「你爸爸係咩部門先，係差佬先有政策補貼，每人40萬」，他聲稱消息是來自一位曾接待過的警員。
見到記者一副失望的表情，經紀順勢力推香港城附近樓盤，並特意帶記者圍繞香港城一圈，「真係未搞掂呀，我帶你去睇，你大概有個譜，你可以影個視頻畀爸爸睇，而家所謂嘅一期其實估計得幾棟樓，而且我嚴重懷疑係雅居樂欺騙香港政府」。
雅居樂與肇慶市政府在2018年年底開始洽談，其後簽署了意向投資協議，在多元化的項目內，建設一個具有香港體系特色，打造適合社會各階層人仕退休生活的特色小區。銷售對象是各階層人士，當中包括但不限於香港退休公務員（如消防救護人員、警務處、海關、入境事務處及其他合資格的公務員）。
目前雅居樂指，與肇慶市政府就合作條件及細則仍在接洽溝通之中，細節有待進一步協商。
及後經紀轉為推介距離高鐵站10分鐘車程的寶能城，一個1,000呎單位，賣100萬人幣。他指，「你今次過嚟重好多畀你揀，你兩年之後過嚟，成條街都係已經唔係嗰個價錢。」
另類按揭方法
記者推說要考慮價錢，經紀就教路可以做到七成按揭，「收入證明我都可以同你改張，但係銀行流水（存取紀錄）我搞唔掂，要去銀行拎張卡左手換右手，搞咗幾次之後拎出嚟，要收8,000蚊。」他更表示可以替記者向有關方面壓價。
見記者仍然猶豫未決，經紀就主動地安慰道：「肇慶人仲好純樸架，我哋唔知發生咩事，呢到日日都係睇中央電視台㗎咋，我哋要翻牆先睇到你哋嗰邊新聞，所以佢咪專門搵個位置安置嗰班人。」
(資料來源：網上截圖/連結)
