鄧月平拍《墮》時體重高達143磅。
珠圓玉潤可以形容暴肥的鄧月平。
腰粗臂壯。
腰圍達33吋。
努力減肥後體重開始回落，但仔有成125磅（約57公斤）。
展示玉背證明近日減磅成功。
用了半年時間卒之「見腰」。
修身後可以再以性感示人。
鄧月平話仍需努力。
出道時有「巨胸翠如」稱號。（資料圖片）
拍過《小男人週記3之吾家有喜》做阿旦個女。（資料圖片）
胡杏兒當年拍《肥田囍事》時亦要增磅。（資料圖片）
金像獎入圍投票已經開始，截止日期為下星期三（22日），各大電影公司盡最大努力，為旗下電影爭取入圍票。而去年底有多部電影作最後衝刺上映，爭取金像獎入場券。而陳果執導、白靈、鄧月平主演的電影《墮胎師》亦在上月，放足5場以符合金像獎報名資格。
在《墮》片中演一名肥妹的鄧月平，為配合角式造型，在兩個月內將體重由101磅增狂至143磅，腰圍由23吋增至33吋。照片中所見，她最肥時腰如水桶、巨躉、粗腰俱備，一雙麒麟臂更是嚇人，她接受電話訪問時說︰「嗰時一日食七餐，頭一個月冇乜成績，之後請教做開健身嘅朋友。到第二個月就狂開葡萄糖水飲同食cream，不停食零食同垃圾食物，又迫自己係咁食。」她笑言經歷兩個月地獄式增肥，很多原本很喜歡的食物，現在都提不起興趣，見到都怕。完成拍攝後第一件要做的，自然是回復纖瘦身形。但第一個月問題又出現，因為一星期減了17磅過急，令精神同身體失調，又出現妊娠紋，卒之要從頭做起，花了半年時間才復原，她笑說︰「拍戲時試過全屋啲衫褲都唔啱着，而家得返一件童裝大碼着唔到。」
導演陳果接受訪問時表示，原先是想找一名真肥妹演出，一個半儍半癡女仔，他說︰「我同鄧月平講要增肥喎，佢話OK當然最好。因為真係識演戲會較容易掌控。」他透露已為鄧月平報名金像獎最佳女配角獎，有信心她可以突破。
不少藝人都會為部戲犧牲，以配合角色造型，好似胡杏兒為拍劇集《肥田囍事》，就試過增磅成大肥婆，另外任賢齊、呂良偉先後為拍戲增肥。但要數到最經典的，非「蝙蝠俠」基斯頓比爾（Christian Bale）莫屬，他在戲中時而增肥，時而減磅，可算是荷李活橡筋人。
(資料來源：網上截圖/連結)
