屈臣氏連鎖店有口罩返貨，今日在每間分店出售，但貨量有限，各區屈臣氏只有約20盒存貨，無法滿足在各分店外通宵排隊的數百名輪候市民，使得不少人失望而回。不少長者更因買不到口罩而怒火中燒，不肯離開之餘，更拍打店舖大閘洩忿，更有人推跌店內貨品搗亂。網上流傳一段短片，有長者在其中一間屈臣氏分店搗亂，更疑有貨物被推跌，醜態百出，有熱血青年看不過眼，訓斥長者應該「問民建聯攞」，不應遷怒商家及店舖職員。
片中可見事發在一間屈臣氏分店之內，一大班人疑似包圍着收銀櫃枱鼓譟。一名青年看不過眼，向着其中一名鼓譟的長者連珠炮發喝斥：「你問蔣麗芸攞嘛，你問民建聯攞嘛，你哋唔問民建聯攞，民建聯咁多口罩，而家喺度怪佢哋(屈臣氏職員)，問民建聯攞，成班都冇腦，係咪儍X咗呀你哋，冇就係冇啦嘛，喺度搞破壞呀，推冧晒啲嘢呀，邊X個賠呀你哋，吓，識X就有㗎嗱，X兩句就有㗎嗱，X老母就有㗎嗱，個個都想要，我都想要!」
其間一名被罵的長者問道：「我哋喺度等乜嘢？」青年隨即破口大罵：「而家等你走呀，阿叔，全部人等你走呀！」在場市民隨即向青年報以掌聲。
(資料來源：網上截圖/連結)
