武漢肺炎疫情擴散，大陸7部春節檔電影《唐人街探案3》、《奪冠》、《緊急救援》、《囧媽》、《姜子牙》、《熊出沒•狂野大陸》及《急先鋒》最後撤檔。大陸不少戲院都在新春時期關門大吉，從年初一大陸票房只有181萬元人民幣，同去年同時期的14.58億元人民幣票房比較，就知幾嚴重。
除原定上映的電影受影響，籌備和計劃拍攝的電影、電視劇亦「難逃一疫」，前日中國官方發出通知，要求所有影視製作必須停止，直至疫情結束。當中由甄子丹主演、羅志良執導的電影《極地搜救》，去年12月已經在長白山開拍，原定年初三復工，投資方星皓電影在中國官方發出通知前已表示，鑑於武漢肺炎疫情防控工作形勢嚴峻，為安全計決定暫停拍攝並延期至今年11月再開工。另外，王晶執導的電影《倚天屠龍記》和原本前日在遼寧省丹東市開拍、劉偉強做總導演的主旋律電影《冰雪長津湖》都要停止拍攝，這樣一停，這幾部片最少各自損失500萬人民幣以上。林小明的寰宇電影公司原定亦有兩片要開拍，昨日他表示：「好彩呢兩部戲仲未埋班，所以都冇乜損失，都係延期啫！」
有不願透露姓名的行內人透露，其實自逆權運動開始，中港兩地的影視娛樂已步入寒冬，他說︰「大家都唔知拍乜，逆權之後警匪題材已見冇人敢拍，同埋批文越嚟越難攞，批嘅時間郁吓都半年，邊仲有人敢開戲。」該名行內人士又透露自吳君如套《媽媽的神奇小子》12月31日煞科後，就再未有港片開工。沒有電影開拍，演員和工作人員全面停工，演員尚可食老本，工作人員分分鐘手停口停，電影工作者總會會長田雞指中美貿易戰加反送中運動已經令影市低迷，現時又來一個武漢肺炎，真是雪上加霜，他表示：「我哋幾個屬會負責人開會後，係有啲方案可以做，但要先同政府傾吓，同政府傾完會再約啲電影公司老闆傾吓，睇吓可以點幫個影視圈，而家最受影響一定係幕後人員，但講真而家未有具體方案提供支援，個疫情搞到幾時，我哋又唔知，所以要詳細研究吓。」
至於演藝人協會有沒有向藝人提供協助呢？會長古天樂表示：「其實而家嘅情況係唔止藝人停工，係整個影視圈受影響，我哋香港電影工作者總會已經開會傾咗一啲方案出嚟，等遲吓落實咗會睇吓點樣幫手足們。」古仔指自己手頭上的影片已拍完，只有《G風暴》尚欠幾日香港戲份就完成，之後可以有好幾個月長假期休息。
(資料來源：網上截圖/連結)
