【武漢肺炎】黃秋生鬧爆林鄭限制官員戴口罩:妳不如下染病令

280

武漢肺炎疫情嚴重,今日本港發生首宗確診患者死亡個案,全港市民都提高個人防疫意識四圍撲口罩,偏偏愛跟主流民意對着幹的特首林鄭月娥今日卻向官員發出「限罩令」,直認特區政府向中央及其他國家撲不到口罩,所以政府要官員帶頭除罩,除非有特殊情況,更呼籲傳媒跟隨。此舉有機會增加人與人之間互相感染機會,更惹起民憤。

一向直斥其非的黃秋生,在特首的偉論發表後,便在社交平台發文:「啲官真係睬妳都傻啦,為咗做官冇咗條命?除非好似傳聞咁真係打咗疫苗啦。妳不如叫佢哋下染病令啦七婆。啲官雖然好多契弟,但係我都同情佢哋。妳唔想撈啫,都要諗下人哋條命㗎,妳已經滿手血債㗎啦。」不少網民紛紛留言「佢巳經瘋癲狀態,香港人要小心!」、「喺佢眼中,死物先最重要…呢個時候即係口罩」及「點解一河之隔嘅特區,可以人人有口罩而香港冇,可能人地都會睇下邊個問先派!」等,民怨難平。

(資料來源:網上截圖/連結)