陳展鵬在社交網宣佈太太單文柔（Phoebe）已誕下B女小豬比（Quinta），剛榮升爸爸的他今日仍要到將軍澳為新劇《唐人街》開工。
等埋位期間，陳展鵬表現風騷，並一度消失數分鐘，原來他是走到一旁上社交網發放B女出世喜訊。之後陳展鵬接受傳媒訪問時，坦言心情十分開心，指B女已出世一星期，本來他想早點跟大家分享喜悅，但因為每天也要開工，加上擔心太太產後要休養和餵母乳應付不了，所以才待至今日才發放喜訊。
問到湊B生活，陳展鵬揚言一額汗，因他們聘請的那位陪月，要旅行返港後才可開工，剛巧碰上麻疹爆發，他與太太擔心大家受感染，所以着陪月做抗體測試，因而頭幾天他與太太要負責湊B。陳展鵬又指B女很曳：「第一日餵奶畀佢，未夠飽又喊，尿片濕咗又喊，包得唔夠貼身又喊。」為此他與太太要上網睇片學習，並發現湊B不容易應付，更慘的是他忙完5、6小時後又即要開工。
被問到太太分娩過程，陳展鵬說：「我當然有剪臍帶啦，唔剪臍帶畀差人拉。」他表示全程陪太太生B，問囡囡出世有否感動落淚？陳展鵬說：「當時要安撫老婆，自己又驚，見到佢打針話痛，開刀生BB又要捱一刀，我都發現生BB好辛苦，不如唔好生啦，未見到BB出世之前，我係覺得好難受同好心痛。」他默認會送樓獎勵太太，由於自己忙於工作，所以不打算擺滿月酒，應該會擺百日宴。而問到囡囡為何叫小豬比時，他說：「個女生肖屬豬，加埋老婆菲比個比字，所以就叫小豬比，不過中文名未改，可能交畀長輩、老婆改。」
(資料來源：網上截圖/連結)
