47歲劉小慧和蘇志威結婚22年，兩個女兒都日漸長大，大女君蕎今年20歲，細女靖珺亦已經12歲，自封「得閒修女」的小慧，最近愛上在facebook開live和網民互動。昨晚她直播炒蛋黃油治濕疹妙法，吸引大批網民擁入看直播，短短10多個小時，今早已經有超過3萬人次看過，8百幾轉載，更有不少飽受濕疹煎熬的網民，即時跟隨小慧的教學自救。
昨晚，除了小慧一位患嚴重濕疹的朋友在直播分享用後感，蘇志威亦「素顏」現身撐老婆，小慧又以廚房「懵丙」來形容老公，指他都成功炒出蛋黃油，相信網民都好容易做到。雖然被老婆取笑，但蘇志威不但在直播揸起鑊鏟，凌晨仍在facebook貼文讚老婆：「零晨1:47仲覆緊D留言，好耐冇見過劉小慧認真做一件事，希望佢今日個FB live可以幫助到身邊嘅濕疹朋友。」不過，之後他又貼了3個流眼淚的emoji圖案，並表示：「最大鑊係阻住我兩點鐘睇世界桌球錦標賽決賽直播！」十分搞笑。
化身KOL的小慧今日接受傳媒電話訪問，她表示：「幫到人係好開心，所以回覆網民查詢到凌晨都唔介意，同埋噚日介紹呢個炒蛋黃油，唔係乜嘢偏方，係一個中醫師教我，我好好彩冇濕疹問題，但身邊好多朋友有，好似噚晚喺直播出現嘅朋友，佢只係用咗5日就舒緩咗好多。」
小慧又笑指自己鍾意周圍八，所以朋友堆中有問題都喜歡問她，而她亦樂於分享經驗，她又表示：「之前我係星期六做直播，諗住嗰日係假期，但諗諗吓自己都有family陪囡囡，所以就改咗喺星期一至五呢啲時間做，噚晚已經預告咗嚟緊會同大家分享逆齡嘅秘訣。」
(資料來源：網上截圖/連結)
