23歲的程美段，17年用藝名徐藝媛參選「環亞美神」選舉，並摘下「甜心美神」獎，她的一對堅挺E奶吸睛，成為新晉「宅男女神」。她近日爆出被杜汶澤「拖糧」，因為理據都在，網友力撐下，阿澤最終向她公開道歉。
人氣急升的程美段，近日到ViuTV節目《晚吹－女學生‧吹水班》做嘉賓，她自爆試過後山「啪啪啪」，即與男朋友打野戰，她連這些私事都可螢幕前分享，果然有烈女本色。程美段今日在銅鑼灣接受傳媒專訪，她這樣形容自己：「我思想open，但唔濫。呢啲大膽經歷都係同自己男朋友發生。」程美段坦言支持婚前性行為：「我唔反對，我本身唔係喺傳統屋企下長大，細個時父母要工作，我係獨女，從小自己照顧自己，可能媽咪睇外國嘢比較多，細個受呢啲環境影響，好大膽，我唔care外間目光，好難令所有人去鍾意自己，好多時用好多時間迎合大眾口味，到頭嚟反而係想做番自己。」
程美段的23年人生中只戀過兩次，初戀發生在18歲，她寶貴的第一夜，也是給了初戀男友：「雖然媽咪細個灌輸我好多嘢，我唔係樣樣嘢都聽得入耳，偏偏佢話18歲先可以拍拖呢樣嘢就入咗腦，我細個對拍拖冇憧憬。」她續談初戀破處，回味無窮：「嗰啲嘢係情侶自然地發生，有冇後悔？點解要後悔，我同嗰時男友拍咗兩年拖就分開。我係思想open，如果對嘅係自己男朋友，我係唔介意去please大家，呢樣係情趣嚟嘛！」
她表示拖糧事件告一段落，亦不想多談：「處理到就OK，冇話呢件事因禍得福，我平常心，不過近日多咗人搵我做訪問，亦多咗人傾工作。」
程美段入行前做過兼職model，也做過promoter，跳入公仔箱只是她的踏腳石，終極目標，是進軍大銀幕，「加入演藝行業，我係想朝住做演員方向，主要想演戲。」青春和身材都是程美段的最大本錢，所以她絕對不介意行性感，即使被邀演出三級片，被標籤做三級女星都不介意，她說：「大家都已將我放咗呢個路線，好多人係留意咗我身材先，其實女仔sexy appeal，係一樣讚美，我一啲都唔抗拒。好多港產片粗口多，題材敏感都標為三級片，只要遇上啱嘅角色同劇本，有得發揮，我係唔介意性感，角色可以同真我性格唔似，咁先可以挑戰到。」程美段的性感底線是否無極限？她答：「之前有啲電影試鏡，有啲導演都問過我尺度去到邊，三點不露啦，但可以全祼，因為好多時拍呢類鏡頭都係就角度、就鏡頭。」
(資料來源：網上截圖/連結)
