【首度以父親身份過父親節】單文柔送多一胎作為禮物？ 陳展鵬：生完兩個月未得

陳展鵬到石圍角邨擔任慈善活動啟動禮嘉賓，將於下周日(16日)首度以父親身份過父親節，他露出幸福笑容指那天不用工作，已安排好先跟外父慶祝，再與自己父親吃飯，輪到自己時可能是吃甜品時間，他指太太單文柔平日都會為他送驚喜，當笑指可能是送多一胎作為禮物，他大笑說:「咁就真係又驚又喜，無咁快，生完兩個月未得。」

陳展鵬坦言成為父親後，工作時會更有目標，會為女兒陳羽媃(小豬比)努力。早前送相機給太太作為禮物，卻被太太笑指目的是影女兒之用，他說:「部相機排隊排咗半年，左穿右插搵，突然收到通知話有人唔要先咁快買到，又可以早啲影吓小朋友，一份禮物咁多意義幾好。」日前被讀者影到夫婦兩人外出，太太素顏一臉倦容，他指一有時間便陪太太出行，他笑說:「搞掂個大，就乜都攪得掂，太太都唔係好攰，果日去買嘢之餘順便去睇《阿拉丁》，因為佢想睇好耐，不過做媽咪責任會大啲，所以女人都會辛苦。」他透露小豬比近幾星期大得很快，又懂得互動笑及學發聲。