今年初，古天樂奪我最喜愛的男歌手，全場歡呼尖叫，當時古天樂表示：「我真係好鍾意唱歌，不過我唔識唱，呢個世界真係有奇蹟出現，我真係冇嘢好講。」雖然大家可以聽到古天樂唱歌的機會不多，但都機會！因為古天樂為下月上映的電影《掃毒2天地對決》開金口，和劉德華合唱主題曲《兄弟不懷疑》，古仔更大讚華仔攞足100分！
劉德華在樂壇多年、作品無數，問到有沒有聽過古仔的音樂，他說：「有！我都聽過好多，但真真正正講個歌名出來真係幾難，在錄音過程中，知道古仔會擔心自己做得唔好，但佢睇小咗自己，事實佢上佢做得好好！我幾鍾意佢唱『關係』嗰段，大家留意下！」古仔談到要評分時更笑指：「咁我一定係零分，而華哥就100分！」
再問到古仔有沒有為歌詞給意見，他說：「佢哋有畀份歌詞我睇，我第一個反應係：『唔好玩啦！我都唔識唱歌，點畀意見啫！』」至於問到在錄音時腦內想像甚麼來投入感情，古仔表示:「諗起最後Ending在地鐵嘅畫面，十幾年嘅兄弟情，因為大家唔肯聽大家講嘢就冇咗。」
(資料來源：網上截圖/連結)
