【出外靠朋友】黎諾懿新節目一波幾折昨晚首播 感激伊健多年鼓勵

黎諾懿主持的綜藝節目《懿想得到》受許志安、黃心穎的「安心偷食」事件影響，經歷換嘉賓、重拍及延期播出。日前第一集終於首播，由鄭伊健擔任嘉賓，黎諾懿昨晚在IG貼出多張和伊健的合照，留言：「鄭伊健對我來說是一個很重要的兄弟，由前輩到兄弟這十個年頭，感激一直對我的鼓勵及支持，希望這份友誼能長存下去。」感激老友力撐。

39歲黎諾懿和51歲鄭伊健看似風馬牛不相及，其實2人多年前拍劇結緣後便成為老友，黎諾懿曾在訪問說當年因為沒有工作，收入少到要住劏房，就連衫都沒有錢買，那時全靠伊健打救，黎諾懿當時表示：「嗰時伊健已經紅咗，佢知我冇錢買衫，成日叫我去攞佢啲衫着，因為嗰時藝人啲衫通常着過一、兩次，記者影過就唔可以再着，佢就叫我去攞。」

昨晚節目中，黎諾懿帶伊健返電視城巡廠，又和伊健一齊去街市買餸合力整烏冬，原來伊健對烹飪一竅不通，全程由黎諾懿操刀，帶伊健去街市買餸，再負煮海鮮。

黎諾懿婚後升呢人父，太太為他誕下得意囝囝「小春雞」，據知今晚他會在節目中追問伊健生兒育女計劃，早已表明不會當爸爸的伊健，坦言至今想法都沒有改變，和太太蒙嘉慧亦有共識。