持續個多月的反送中事件至今仍未解決，在這一段時間中，無論是支持示威者或者是支持政府的，都罕有地有不少藝人發聲。不過，一直以來無表態的蘇永康，日前卻因在IG上刪除網民留言，而與網民討論政見，對話更被上載至討論區，引發網民熱論。
由網民上載的圖片可見，網民正與經由IG認證為蘇永康身份的帳戶進行私人對話，一開始蘇永康表示：「我的政治立場與閣下無關，我亦不在乎你舐乜？我只知道我是個歌手，那裏有我的觀眾，我就會去，講完…」而網民隨即回覆指責康仔：「但係身為公眾人物都唔可以亂del人cm（留言）㗎康仔，你咁同白色恐怖有咩分別？你唔喜歡個cm我明，我又冇講粗口，但因為舐共del晒所有政治聲音，唔係崇尚自由嘅香港人會做嘅嘢，康仔，你變了～是你變了～」
未知是否因為網民這番說話，令到康仔想要解釋更多：「我個IG等於我屋企，只係招呼一啲啱嘴型嘅朋友入嚟傾偈，既然你覺得我舐共，咁即係話不投機啦！哪怕你有蕭若元嘅口才喺我呢處無用武之地，咪上去高登噴飽佢囉。我返（反）港獨你班契弟話我舐共！我返大陸工作養妻活兒又舐共，你班咁嘅殖民後政治狂熱知啲唔知啲，你而家嘅行為等同行入去基督彌撒講可蘭經，人哋唔聽，你就話人唔係崇尚自由嘅香港人會做嘅！呢啲係白色恐怖…咁而家你話邊個恐怖？香港變成咁，個個星期日每區輪流唔使做生意就係因為你哋呀！」
(資料來源：網上截圖/連結)
