【接安仔檔期失敗】張致恒衰鹹濕累事 BOYZ取消九月紅館個唱

原本安仔在今年9月舉行在紅館開騷，其經理人Paco（黃柏高）決定取消安仔9月紅館騷，9月檔期因而懸空，BOYZ冷手執個熱煎堆，成功入紙申請，頂替許志安紅館偷食檔，令兩位成員關智斌（Kenny）及張致恒（Steven）於去年10月BOYZ後，有機會踏上紅館舞台。

本來籌備工作進行如火如荼，不過昨日Steven宣佈與28歲女fans雯雯的婚訊後，即被爆一腳踏五船，Steven形象插入谷底，有見及此，英皇高層霍汶希宣佈：「各位傳媒朋友，經公司內部商討及與各方共識後，原定於9月舉行的BOYZ演唱會將會擱置，公司現正積極商討及研究處理方案。一旦落實，將第一時間向各位交待。多謝各位。」至於取消原因，她說：「Steven應該有好多事要處理，應該不能以最好嘅狀態去準備今次嘅演唱會及綵排，所以我們寧願先取消，不想影響演唱會的質素呢！」

事實上兩人前日出發到布吉拍攝演唱會宣傳片，今早英皇高層霍汶希回覆傳媒：「Steven同Kenny喺泰國拍攝宣傳片，噚日Steven已完成拍攝部份及已離隊，唔知佢去咗邊。各位有關於BOYZ的演唱會安排事宜，我們公司已進行內部溝通研究，有關進一步消息會稍後統一回覆大家。」想不到下午便宣佈取消。