剛過去的星期日（21日），元朗西鐵站晚上發生大批白衣人無差別襲擊市民後，即有網民發起今日在元朗遊行，抗議黑社會及「警黑合作」。
一直也有參與遊行的王宗堯，今日身穿拍攝港台劇集《火速救兵》時的紅色T恤到達元朗，他說：「今日着紅色衫係因為消防員會保護我哋，當有時打999都冇用，我哋仲有消防員去保護。」而他又表示因為拍戲的關係，故自己亦對元朗頗熟悉：「因為有成2個月都喺度拍戲，今日再走入嚟係因為上星期嘅暴力事件，不過大家都要注意安全，始終唔係自己地方，天黑前遊行完就好離開，同埋唔好入圍村，始終係人哋屋企，大家係有修養嘅，亦要尊重人。」
提到市民每星期上街爭取訴求，政府沒有任何改善之餘，反而更變本加厲，王宗堯就以有內戰發生的韓國、波多黎各及黎巴嫩作比較，他說：「其實係需要時間，唔係一時三刻可以做到，總之對大家好有信心，知道大家會注意安全。」
而他亦再一次呼籲大家注意安全：「當打999唔會有人幫你嘅時候，要識得保護自己，所以我今日除咗帶遮嚟，仲帶埋網球拍，一陣有乜事可以打番兩場波。」
至於袁彌明今日亦現身元朗，她呼籲說：「大家天黑前好返屋企喇，唔好入村。事情發展到今日，警察同林鄭都欠香港人一個交待，林鄭必需要下台，警察亦需要調查，絕對支持成立獨立委員會，冇可能畀監警會自己人查自己人。」
問她作為營商的人，可擔心生意額及營商信心受影響？袁彌明說：「絕對係有少少影響，但係只係發生咗個幾月，影響嘅時間亦都唔多，少少錢絕對蝕得起，即使會再發起大罷工，我都絕對會響應支持。」
(資料來源：網上截圖/連結)
