36歲的梁靖琪（Toby）今年6月閃嫁28歲小鮮肉男友施雋賢（Jon），姊弟戀開花結果。Toby曾被問「造人」計劃？她表示自己和老公Jon都好喜歡小朋友，父母也恨「抱孫」，所以最希望可以有兩個小朋友，Toby笑說：「希望目標兩個啦！」看來已得償所願！
據Toby身邊好友透露，Toby已經懷孕4、5個月，照推算約在今年4月，即在籌備婚禮時已經有咗BB。她近日已開始在朋友圈中報喜，傳媒亦有向Toby求證，她大賣關子：「邊個話畀你知㗎？有好消息一定通知你。」還附上一個心形圖案，非常風騷。
其實Toby今年6月的婚禮都好保密，她稱是因為老公Jon是圈外人，所以想低調。但從她的發相可見，全部都「唔見肚」，大部份是半身相，或用花球遮住腹部。而據當日有份出席婚禮的賓客爆料，Toby當晚是中西合璧，穿上婚紗之餘，亦有着裙褂，而裙褂款色較貼身，明顯見到腹部微微隆起。至於Toby老公全晚好呵護老婆，去到邊都陪伴左右，Toby亦盡量滴酒不沾。
婚後Toby亦變得深閨，減少去玩，盡量留在家中養胎，只是好朋友的飯局才會應約。上月20日，Toby出席文頌嫻的生日飯局，影大合照時穿上牛仔褸及刻意轉身遮肚。日前她與家人到外國旅行，亦減少高危活動，平時愛騷身材的運動相近月已經絕迹。
對於女兒新婚1個半月即有喜，爸爸梁家樹應該很開心，他回覆傳媒亦大方承認說：「是的，多謝。」
(資料來源：網上截圖/連結)
