浸大學生會會長方仲賢早前在深水埗鴨寮街購買觀星筆，被警方以「涉嫌藏有攻擊性武器」被捕。黎瑞恩（小恩子）其後在私人facebook表示：「為確證雷射筆之安全可靠，試吓射完佢雙眼，通過安全標準嘅話，要求警方要立即放人兼道歉！」結果此文在網上瘋傳，不少網民對小恩子盲撐警方感到不滿而鬧爆，也有網民扑爛小恩子CD洩憤。
今日小恩子在facebook專頁開post，表示近日雖被人詛咒和唾罵，但自己不會因此而退縮。她寫道：「呢段時間香港發生好多事，唔單止社會出現咗好多分裂聲音，喺我呢度亦出現咗好多意見不同嘅朋友，有唾罵我嘅，甚至詛咒我嘅，我係完全不畏懼亦不會畏縮。但我好感恩有好多大家睇法唔聲音唔一致嘅Fans及朋友，雖然大家所感受嘅嘢完全背道而馳，大家理論嘅時候還是好努力保護及維護我，我係好感動，好想多謝一直真正愛錫及了解我嘅歌迷及朋友。」
小恩子表示絕對接受大家不同感受和意見，只是不希望再看到家人和朋友之間互相傷害或反目。她說：「大家同坐一條船，都希望風平浪靜，我相信任何聲音嘅朋友都係想香港好，都係為咗守護下一代嘅未來，希望大家可以理性爭取及表達，反對暴力，及對警署、社會設施既（嘅）破壞，我會繼續努力做好本份及工作，希望香港也一齊加油！」
(資料來源：網上截圖/連結)
