【相伴16年】谷德昭女友頸部腫脹如拳頭般大 自揭衣衫晒嚴重濕疹

53歲的谷德昭好長情，與38歲的林子萱（Kiki）拍拖16年，一直都好恩愛。近日有指林子萱患有怪病，被影到頸部離奇腫脹，好似拳頭咁大，加上飽受濕疹困擾，全身佈滿紅印，情緒深受困擾，幸得廿四考男友不離不棄相伴照顧，被影到一齊去沙灘曬太陽吸收維他命。

KiKi在今年6月在IG透露自己荷爾蒙出現問題，她掀開衣衫，露出自己肚皮的紅疹，頗為嚴重，而頸項亦明顯見到腫起，但最近就變得更大。當時她說：「濕疹令到我低沉咗一排，冇心機做運動，個人非常容易忟憎，亦都做唔到高溫瑜伽，因為只要體溫升高又會流鼻血又濕疹發，個人肥咗失去咗動力，好悶。着咩衫都唔靚。不過呢…痕夠了！我唔會再畀藉口自己啲濕疹，決定畀自己5-10日嘅時間重整吓嗰身體！今日開始我會大方行出門口，唔再悶，愛自己身體係孝順嘅表現，好啦阿媽我孝順吓你啦。」

她透露自己試過很多方法，如做運動、看食療師、自然療法、看塔羅師。她說：「多謝各位高手！有自然療法的朋友給我很多心靈上的意見，大量有心人送上皮膚護理產品，也有食療師，更有我從來不看的塔羅師因緣巧合下協助強度心理建設。當然我也一一聽教聽話，轉了幾個念頭，同一時間沒有懶惰積極做運動出汗，將身體嘅免疫力盡力提高！信不信由你，濕疹好了很多！」

林子萱剛出道時做過《Y2K前的暑假》，又被歌神許冠傑揀中演出舞台劇《仲夏夜狂想曲》，當時已經與谷德昭傳緋聞，但二人否認。直至06年谷德昭經歷人生巨變，母親和姪仔先後自殺，戀情才慢慢浮出水面。年前谷德昭體重在短短數個月激瘦幾十磅，有傳他患上甲狀腺疾病，但谷德昭否認，稱只是營養師的功勞。