這3個月香港風雨飄搖，碰巧林海峰在紅館舉行7場talk show「是但噏2019」，寸盡特首林鄭月娥和克警，讓觀眾可以笑番一晚；身為林海峰老婆的彭羚（Cass）晚晚捧場，商台DJ雲妮在社交網貼出兩張跟彭羚合照，一張是1996年，一張是2019年，寫道：「二十三年的溫馨對照」。
現年50歲的彭羚成功凍齡，跟27歲時的樣子變化不大，連雲妮都保養得宜，雲妮寫道：「無論是識於微時的那個彭小姐，還是在我背後默默力挺的林太太，我都感激我都愛，我們都是這樣長大的。後話：見到大家反應咁熱烈話我哋兩個keep得好好，本來想話我呢種面圓眼圓包包臉比較襟老，但係阿Cass一直瓜子口面又好似唔關事，本來想話因為我未生過仔比較襟老，但係林太生咗兩件，大女仲要就快二十歲，又好似唔係好關事。我終於諗到原因：只要響903做或者嫁畀響903做嘢嘅人都會Keep得好好！」森美留言讚「兩個都靚咗」，更有網民求不老秘方。
彭羚其中一首代表作《小玩意》就是由黃偉文（Wyman）填詞，日前Wyman到紅館捧林海峰場，並貼出跟林氏夫婦在後台的合照，留言：「Verified Happy Monday 絕對是林公子（揮灑有型地）超越林公子的作品，仲有三場！（然後大家有眼睇其實彭羚同邊個造型上合襯啲囉）」。
(資料來源：網上截圖/連結)
