【腦血管栓塞】金牌監製梅小青死過翻生 宣佈退休享受湊孫樂

98
梅小青去年腦血管栓塞幾乎中風,幸做微創手術後已經痊癒。
梅小青兒子力勸她退休,好好享受湊孫樂。
《法證先鋒IV》將是梅小青最後電視作品。

 

入行40多年的無綫製作部總監(戲劇合拍)、《法證先鋒IV》監製梅小青,原來去年腦血管栓塞幾乎中風,幸做微創手術後已經痊癒。今日有消息指梅小青為健康決定退下火線向無綫請辭,以便好好享受人生和湊孫。

傳媒致電梅小青了解,她說:「我舊年檢查發現個腦有條血管塞咗95%,即刻做微創手術,而家冇事啦,好精神。我今次其實係奉『子』退休,因為舊年做完手術之後,個仔已經叫我退休唔好做,因為心穎(黃心穎)關係,《法證先鋒IV》要重拍,而家搞掂晒又就嚟出街,我都完成任務,所以向公司請辭,做到今年5月,我有對孖孫,得閒咪湊吓孫囉。」

梅小青是金牌監製,也是梅小惠胞姊,丈夫是無綫製作部總監(戲劇合拍)劉家豪,麗的年代梅小青跟隨麥當雄入行,87年過檔無綫,監製過《今生無悔》、《宮心計》和《娛樂插班生》等受歡迎劇集。

(資料來源:網上截圖/連結)