【年尾結婚】陸永幫忙過大禮 C君：發明呢樣嘢嗰個人真係好勁

農夫成員C君（鄭詩君）12月8日將在香港舉行婚禮，娶港台DJ女友黃天頤，二人拍拖約5年，感情穩定，去年決定廝守終生，好友黃翠如更預告做C君婚禮兄弟團。

日前好兄弟陸永幫忙過大禮，C君在IG貼出大合照，留言：「過大禮原來有咁多規矩咁多儀式咁多嘢，發明呢樣嘢嗰個人真係好勁，促進感情更加促進經濟，多謝！」相中見C君過大禮盡量依照中式婚嫁習俗傳統，禮品齊備。

C君今年2月在社交網宣佈求婚成功，將迎娶女友黃天頤，C君自小因患地中海貧血，需長期接受輸血，C君曾考慮生兒育女的問題，但C君自言目前見證醫學發展，相信太太在產前已大致可預測出胎兒會否患有地中海貧血，有信心一齊面對，而黃天頤亦決定跟C君共諧連理。