無綫娛樂新聞台主播林子博的太太Shirley，數個月前發現患上極罕有癌症「平滑肌肉瘤（腹腔）」，並已進入第四期，而癌細胞更擴散到肝臟、胰臟、肺部和淋巴等身體多處，現正接受化療。正當林子博陪太太努力抗癌之際，竟接獲無綫請食「無情雞」，傳媒收到消息，效力無綫11年的林子博，下月1日約滿無綫，但近日他收到無綫通知指公司將不會跟他續約，對林子博而言絕對是雙重打擊，雪上加霜。
一位知情人士向傳媒爆料說：「其實娛樂新聞台係想子博留低，幫佢渡過難關，所以監製幾個月前同子博講，佢約滿會繼續用佢，所以子博諗住公司會同佢續約，點知公司開完會之後決定唔簽佢踢佢走，子博對仔女仲細（大女詠渝14歲、細仔卓楠10歲），佢太太又有cancer，知道之後梗係好徬徨啦！被無綫炒魷呢件事，子博都有同太太講，佢哋一家人惟有見步行步喇。」傳媒致電子博，求證他是否不獲無綫續約一事，但子博表示不作回應：「唔好意思，唔回應喇。」
(資料來源：網上截圖/連結)
