由網民發起，與全球60多個城市連線的全球反赤納粹遊行，今午（29日）2時半將於銅鑼灣SOGO集合，遊行至政府總部。警方早上已加強佈防，瘋狂截查在場路過市民，更有部份市民被帶上警車。
克警向來對年輕及身穿黑衫的人士都特別「關愛」，而不知到底是幸運還是不幸，今年20歲、人稱「姜B」的ViuTV《全民造星》第一期冠軍姜濤，今日在銅鑼灣被克警「野生捕獲」。
根據網上流出的照片所見，姜濤被5至6位防暴警包圍，自行拉下口罩及扯高鴨舌帽供警察查看。家住銅鑼灣的姜濤自從在《造星》彈起後，一向外出都以黑衫黑口罩為主，今次被截查未知所為何事。
對於姜濤被警察截查身份證，姜濤經理人花姐黃慧君接受傳媒訪問時說：「啱啱姜濤打咗畀我，平時佢出街都係戴晒口罩同着黑色衫，佢住嗰頭（銅鑼灣），好多fans喺嗰頭等佢，今朝我睇到新聞嗰頭有事，都第一時間通知佢出門小心啲，因為今日佢要去排舞，佢被警察查身份證時知道被人影咗相，佢打畀我話最擔心自己樣衰。」問警察有否粗暴對待？花姐說：「當時我唔喺現場，但佢同我講冇身體接觸，警察只係話『先生唔該攞個身份證出嚟』同埋搜佢個袋。」
姜濤當時心情怎樣？花姐說：「佢係擔心自己樣衰啫，冇事嘅，大家唔使擔心。警察查完冇嘢都放咗佢。」警察連人氣勁的姜濤也不識實在相當無知？花姐說：「佢哋冇睇電視啫。」會否叫姜濤以後不要着黑衫及戴口罩出街？花姐說：「佢平時都係咁出街㗎喎。」
姜濤事後亦於IG報平安，不少網民留言鬧爆克警「後生係咪罪？」、「沒有暴徒，只有姜濤。」
(資料來源：網上截圖/連結)
