【決戰區選】何韻詩呼籲勿鬆懈 黃耀明：今日要用選票踢走建制派

11.24區議會選舉，今朝已經有好多選民一早去了投票，包括不少圈中藝人，何韻詩投票完後，不忘提醒大家：「唔好鬆懈，未投嘅快啲去投，投咗嘅幫手呼籲大家去投票。」黃耀明就非常簡潔的留言：「今日要用選票踢走建制派。」

而卓韻芝和C AllStar的陳健安（On仔）就不約而同在社交網上留言，晨早去投完票和家中長輩去飲早茶，卓韻芝：「投完票，陪阿婆飲早茶。」至於On仔就在IG限時動態貼出拖住媽媽的手，一齊投完票再去飲早茶，飲完茶再回家睡覺，他留言：「投完票，飲茶。頭先晨咁早睇住一個二個眼紅紅，眼屎都未抹，仲有個女仔無食早餐面青口唇白暈住咁走去排隊投票，有啲啲感動。#基本公民責任#不用過份自滿#繼續努力#瞓返陣先。」

另外，汪明荃（阿姐）及前大台主播周嘉儀亦在IG貼出在票站前的照片。