C君與拍拖5年的女友黃天頤拉埋天窗，在中環四季酒店設宴，前輩兼主持拍檔Do姐鄭裕玲披上紅披肩出席，好兄弟張繼聰與太太謝安琪前後腳到場，另外偶像黃子華、容祖兒、蔡卓妍、邱禮濤、林盛斌、江若琳同蕭潤邦亦有出席。
Do姐抵達酒店時，尊師重道的陸永親自落樓迎接，又陪Do姐做訪問，Do姐首先恭喜C君：「知佢想結婚好耐，不過一直未搵到適合嘅人，唔知新娘鍾意佢邊一點。」陸永提議：「今日要講啲吉利說話！」Do姐即讚新郎：「咁佢都好多優點，同佢合作咗一段時間，知道佢好聰明，又有幾滴墨水。」不過Do姐又忍唔住嘴：「但係我就好有懷疑，今日應該係新娘最搶鏡，今日竟然設計咗呢啲兄弟裝畀佢哋着。」又問陸永：「你話喇，你呢啲叫咩色呀？」陸永細聲接嘴：「屎色…」兩人即哈哈笑。Do姐表示會以現金做人情：「OK啦，佢大把錢。」訪問期間，有外籍小女孩搵Do姐簽名、合照，陸永即形容為她為「國際DO」。
謝安琪與張繼聰分開到，兩人是恩愛夫妻，有沒有相處之道傳授？她說：「我呢啲就好渣，所以張繼聰好早嚟同佢哋傾晒偈。」她透露張繼聰與C君、陸永由小細玩到大，所以人情由老公負責，而她就在出道時認識一對新人：「其實我同佢哋係第一年新人已經識，當年仲同天頤一齊主持過年輕人節目，今日好戥佢哋開心。」至於陸永爆C君暗戀老婆20年，謝安琪說：「有聽聞過，不過男人講嘢唔知可唔可信。我不嬲好鍾意C君文筆，淨係睇字會覺得佢好靚仔。」
(資料來源：網上截圖/連結)
