現年30歲的黃心穎今年4月被傳媒爆與人夫許志安在車廂偷食，報道一出，震驚全城，二人先後公開道歉，宣佈全面停工，疑復出無期，心穎於IG貼道歉文稱「無法面對自己」感到十分羞愧、歉疚，事後被傳媒影到避走美國，盛傳心穎想轉行，不過自台慶劇《牛下女高音》播出後，心穎悄悄在IG「蒲頭」試水溫，昨晚更突然傳出心穎將返港。
消失8個月的心穎，今晨6點53分抵港，大批記者聞風而至，早在機場守候，而黃心美經理人、TVB兩個經理人亦前來接機。
約早上7點幾，心穎從機場禁區步出，現場守候的傳媒洶湧而上，場面一度出現混亂，身穿灰色大褸、戴口罩的心穎，甫見記者已經眼濕濕，一直強忍淚水，她說：「我好開心，我終於返到屋企！喺過去差唔多8個月，好努力咁生活，聽到外界有好多嘅猜測，但我只不過好努力咁生活緊，同時我都想繼續向前行、向前望，I made a mistake, And I try really hard to live with it, to learn from it. 無論我想講、我要講，私底下我都講咗，喺呢件事上面唔會再有任何回應，而今次返嚟，我最主要係陪我屋企人。呢段時間多謝大家關心，（工作上有咩安排?）今次返嚟係要陪家人，其他冇咩回應！」現場有半百傳媒追訪，沿途由家姐黃心美的經理人護送去停車場上車。
心穎與安仔因「安心偷食」曝光，兩人賠上事業，形象插水，最近他們登上「Google香港2019年度熱爆本地娛樂名人」榜頭兩位，而兩人另一半鄭秀文（Sammi）、馬國明位列第4、第5位。雖然安仔至今仍然停工，但事件得到太太Sammi原諒，二人破鏡重圓，反而心穎與馬明戀情告終，降呢做朋友！
心穎今次復出可謂有跡可尋，早前《牛下女高音》進入結局篇，她兩度在IG蒲頭感謝劇組，受事件影響，本來大台抽起她有份主演的劇集《堅離地愛堅離地》和《丫鬟大聯盟》，近日兩套劇卻先後獲得「解禁」，《堅》已經在大馬播出，《丫鬟》則被安排月底在翡翠台播出，大台劇照播，雖然心穎未有機會被提名角逐今年台慶頒獎禮的獎項，不過今次返港，無綫亦安排經理人接機，估計她有望「解凍」！
(資料來源：網上截圖/連結)
