【武漢肺炎】王維基出手救港 擲155萬港元買製口罩機器

155
HKTVmall今日開post透露,王維基赴台買機器,希望自製口罩。
王維基拍板買濾芯,亦出20萬美元搶購機器。

 

武漢肺炎全球擴散,世界各地口罩供應嚴重缺貨,一罩難求,香港政府懶理港人死活未有施以援手,HKTVmall派員四出搜購口罩,以良心價賣口罩,又下調佣金,努力為香港人出力。至於HKTVmall老闆王維基,亦出手救港,他原來日前親自飛到台灣購買機器自製口罩。HKTVmall今日在facebook出帖文,表示:「農曆新年前,新聞已經出現新型冠狀病毒嘅新聞,市面上開始出現搶購口罩潮。當HKTVmall買手們四出搵口罩賣,我哋覺得咁都係治標唔治本。於是乎,公司『有人』成立『R 小隊』,負責一個新project!」

「雖然假期時佢(王維基)身在海外,但都好擔心香港嘅情況;當時大家都講緊,香港人要有本地嘅口罩生產。於是R 小隊開始做資料搜集,搵吓全球邊度有廠有造口罩嘅機器賣。當日嘅名單有台灣同印度嘅30 間公司,R 小隊打算逐一拜訪。唉……原來印度簽證要72小時前申請,所以決定第一站先去台灣。R 小隊嘅主要成員喺2月2號中午返港落機,當晚就直飛台灣,用兩日時間拜訪5至6間已經約好嘅供應商。」

王維基領軍一行多人到台灣後跟第一間供應商見面和睇機器,豈料機器已賣掉,訂機最快要兩個月先有貨,但對方都手頭上有一部機是其他客人留起未覆實,可以幫忙一問,王維基團隊惟有轉往第二間供應商,結果第二間機器又賣掉,但供應商介紹了一個相熟物料供應商給王維基,一行人於是去物料供應商碰碰運氣,對方表示可賣一批有實驗室認證的濾芯(即係口罩中層,作為屏障阻擋病菌嗰層)給他們,足夠製造100萬個口罩,有見情況緊急,王維基於是即拍板入貨!至本2月3日下午,王維基等人再跟其他供應商洽購,機器最終被人捷足先登買掉。直至第5站見最後一個供應商,平常一部價值5萬美金(約38萬港元)的口罩機器,今日已經升價雙倍,要10萬美元(約76萬港元),王維基即開出條件,願意出雙倍價值即20萬美金(約155萬港元),但對方確保要在30日內交貨,初時對方僅表示考慮,王維基等人搭的士失望離開之際,途中供應商回覆成交,王維基於是立即支付10萬美元訂金,即一個月後有機器自己造口罩。

王維基團隊明白事情並不簡單,事關不知道外國政府會否停止機器及原材料嘅出口,而他們本身又無防污染廠房專業知識,更不知道會否取得實驗實認證,但就表示:「買到部機又唔知送唔送到過嚟,假如送到過嚟又唔知搞唔搞得掂間合資格廠房嘅情況之下,處處充滿住超多不明朗因素。但R 小隊堅持,香港人係永不放棄嘅!只要堅持,我哋相信,所有問題都有解決嘅辦法!」

在帖文王維基雖戴住口罩背住鏡頭,但他今日在FB轉發HKTV mall的post,留言:「哈哈,係咪講緊我呢」。

另一方面,今日亦有網民出post讚王維基是良心老闆:「HKTVmall今日竟然向每位員工免費送贈,日本醫院用級數嘅口罩一盒,HKTVmall做咗咁多年都未賺過錢,都堅持每年都派花紅畀公司同事,今個月仲特別安排幾千蚊獎金畀同事,王維基呢啲老細真係好到唔知喺係邊仲搵到,真係良心企業!唔知佢哋重請唔請人呢?」

(資料來源:網上截圖/連結)