36歲的梁靖琪（Toby）與年輕8歲的圈外男友施雋賢（Jonathan）發展姊弟戀近兩年，今年6月修成正果秘密結婚，本月初更開心宣佈有BB。
腹大便便的Toby日前與老公一齊去馬爾代夫度蜜月，她今日在IG貼上泳裝照，見她穿上一件頭泳衣，個肚已經好明顯，似懷孕6至個月。Toby接受傳媒訪問時，透露跟老公去了7日旅行，今日剛落機，她開心地說：「落咗幾日雨，好彩有一日都有番少少太陽，但我哋搽防曬太薄，曬燶咗少少。」她透露老公有操刀拍下大肚寫真，但亦有叫人幫手影合照，見Jonathan輕輕撫摸Toby肚皮，畫面好有愛。
Toby透露佗B期間身體沒有不適，十分感恩成功懷孕，因10年前卵巢生過血瘤，醫生叫她有仔要趁嫩生，她說：「生血瘤已經係好耐以前嘅事，身體復原得好好。我同老公都鍾意小朋友，好感恩自己有咗，我都希望生兩個，但唔係咁容易，順其自然就好，將來領養我都覺得好好，現在好期待BB出世。」
(資料來源：網上截圖/連結)
