工藤佑采今日轉發一則炒「黑醫護」聯署。
更表示自己有簽名。
工藤反駁網民，更稱不知醫護唔夠裝備。
2018年落選港姐工藤佑采，因為在決賽當晚落選後仍要上台表演，繼而黑面跳舞，被封為「黑面港姐」，之後更因為黑面跳舞同師姐黃心穎有過網上罵戰，上年安心偷食後更踩多腳，直斥對方：「甚麼乖乖女、道德高地都是假的，要裝就裝一輩子。」
工藤佑采敢言程度在香港娛樂圈都算突出，今日她擺到明反對醫管局員工陣線的罷工行動，在IG上貼出一項反對醫護擺工、稱要「黑醫護」辭職的網上聯署，該聯署形容罷工醫護是「逃兵」，罷工行動連累無辜病人，同時附上一張聯署成功的圖片。工藤留言針對醫護：「罷工可以令你人生更精采！支持你哋擺一世，支持黑醫護罷工一世！」
有人質疑工藤博出位，亦有人指「炒完香港玩完」，工藤起勢反駁：「咁就應該請外國醫生啦，佢哋一直喺度反對請外國醫生。」、「原來你哋都知道唔足夠、仲要支持佢哋罷工、支持埋佢哋，令到啲癌症病人延遲做手術、啲初生嬰兒唔夠人照顧。」其後她更語出驚人：「你唔講我真係唔知喎，原來佢哋而家冇口罩咩、定係冇防護衣？」
全球正為防疫瘋狂採購防疫、醫療物資，日前林鄭叫公務員要慳啲使口罩，雖然口說要確保醫護有足夠物資，但又認採購口罩行動唔係好成功。至於醫管局員工陣線罷工，同時提出五大訴求，包括要求政府禁止任何旅客由中國入境，亦要求政府、醫管局確保口罩、隔離病房等配套要充足，以免香港醫療系統爆煲。
(資料來源：網上截圖/連結)
